आधी रांता न आये सम्हाल सा
म्हारो बाबो म्हाने मायड़ बाबुल की ज्यां पाल सा
आधी रांता न आये सम्हाल सा......
जादू टोना काल भी काँपे म्हारे घर क आगे
म्हारे घर पर मोर छड़ी को हरदम पहरों लागे
म्हारे घर की पीड़ा द्वारे स ओटि मुड़ मुड़ जाव सा
खुद जादूगरों जादू चलाव सा
आधी रांता न आये सम्हाल सा......
दिल पर चोट लगे जो म्हारे चोट श्याम क लागे
लेकर प्रेम की मलहम म्हारे घाव पर लगावन लागे
ओ म्हारो बाबो म्हाने बाथ्या भर मिश्री सो घुल जावे सा
हँस हँस बतलावे म्हाने हतावे सा
आधी रांता न आये सम्हाले सा.........
म्हारे गिरने स भी पहलां म्हाने श्याम सम्हाले
बाबो म्हारे सागे सागे परछाई सो चाल
म्हारो बाबो म्हाने दिल की हवेली माही राखे सा
संग सोवे जागे घूमे घुमाव सा
आधी रांता न आये सम्हाले सा........
म्है बाबा का बाबो म्हारो ज्यूँ दीपक और बात्ति
पल पल म्हारो ध्यान रख यों घड़ी र घड़ी को साथी
जीवन की गाड़ी जीतू की सांवरियो चलावे सा
यों सारथी म्हाने गैलो दिखावे सा
आधी रांता न आये सम्हाले सा.....
श्रेणी : खाटू श्याम भजन
![](https://blogger.googleusercontent.com/img/b/R29vZ2xl/AVvXsEifW9wHE6Bw4c8cplh3UN27fbI0iTNTL-TQdSbW4ivl-NfoDPwu1oKL8m2dE93AbBsur5AD8-FKAtEQmOr16oiE__l9itWKyjdKaYTbiSEd6SoO_21XH2Yk42Si2dyVCHNMta1ZLfN4MMqHQGaAtMeZ3nivHelil0sR3D3NWX3KruYGgKyHl8CYaoRCZA/s0-rw/images%20(35).webp)
Note :- वेबसाइट को और बेहतर बनाने हेतु अपने कीमती सुझाव नीचे कॉमेंट बॉक्स में लिखें व इस ज्ञानवर्धक ख़जाने को अपनें मित्रों के साथ अवश्य शेयर करें।