बनवारी ओ कृष्ण मुरारी बता कुण मारी
बनवारी, ओ कृष्ण मुरारी,
बता कुण मारी,
पूछे यशोदा मात रै,
ओ लाला कहो थारे मनड़े री बात रे,
ओ लाला, कहो थारे मनड़े री बात रे।
भेजो थे लाला तने गाय चरावण,
रोवतड़ो क्यों घर आयो,
किने से तू झगड़ो कर लीनो,
माटी में क्यों भर आयो,
कुण तन्ने मारी नाम बता दे,
मैया जद पुचकारे,
कान्हों रोवे दर्द घणो होवे,
जद मैया फेरे हाथ रै,
ओ लाला कहो थारे मनड़े री बात रे,
ओ लाला, कहो थारे मनड़े री बात रे।
बैठयो थो मैया मैं कदम के नीचे,
बोली गुजरिया बंसी बजा,
नाट गयो मैं तो नाहीं बजाऊं,
छीन म्हारी बंसी दिनी बगाड़,
आज गुजरिया मारी म्हाने,
सारी ही हिलमिल कर,
बंसी तोड़ी कलाई भी मरोड़ी,
और मारी म्हाने लात की,
मैया कोई ना सुनी म्हारी बात भी,
ओ लाला कहो थारे मनड़े री बात रे,
ओ लाला, कहो थारे मनड़े री बात रे।
सुनकर के बाता मैया कान्ह कुंवर की,
म्हारो हिवड़ो भर आयो,
माटी झाड़ी सारे बदन की,
और हिवड़े से लिपटायो,
भोलो ढालो कछु नही जाणे
मेरो यो गोपालो,
गुजरी खोटी पकडूंगी जाके चोटी,
मारूँगी बिने लात की,
ओ लाला कोई ना सुनी तेरी बात री,
ओ लाला कहो थारे मनड़े री बात रे,
ओ लाला, कहो थारे मनड़े री बात रे।
मैया रे बाता सुन सुन कर मोहन,
मन ही मन मुस्काने लाग्यो,
तारा चंद कहे ई छलिया को,
भेद कोई ना जान सक्यो,
ईरी माया योही जाणे,
योही वेद पखाने,
पचपच हारा ऋषि मुनि सारा,
इ दिन और रात रे,
ओ लाला कहो थारे मनड़े री बात रे,
ओ लाला, कहो थारे मनड़े री बात रे।
बनवारी, ओ कृष्ण मुरारी,
बता कुण मारी,
पूछे यशोदा मात रै,
ओ लाला कहो थारे मनड़े री बात रे,
ओ लाला, कहो थारे मनड़े री बात रे।
श्रेणी : कृष्ण भजन
Banwari O Krishna Murari || Jaya Kishori || Krishna Bhajan || 2015 #SpiritualActivity
बनवारी ओ कृष्ण मुरारी बता कुण मारी लिरिक्स Banwari Krishna Murari Lyrics, Krishna Bhajan, by Singer: Jaya Kishori Ji
Note :- वेबसाइट को और बेहतर बनाने हेतु अपने कीमती सुझाव नीचे कॉमेंट बॉक्स में लिखें व इस ज्ञानवर्धक ख़जाने को अपनें मित्रों के साथ अवश्य शेयर करें।