बजरंग बाण हनुमान भजन लिरिक्स Bajrang Baan Full Hindi Lyrics

बजरंग बाण

निश्चय प्रेम प्रतीति ते
बिनय करै सनमान
तेहि के कारज सकल शुभ
सिद्ध करै हनुमान

चौपाई:-

जय हनुमंत संत हितकारी
सुन लीजे प्रभु अरज हमारी
जन के काज बिलंब न कीजे
आतुर दौरि महा सुख दीजे

जैसे कूदि सिंधु महिपारा
सुरसा बदन पैठ बिस्तारा
आगे जाए लंकिनी रोका
मारेहु लात गयी सुर लोका

जाय बिभीषन को सुख दीन्हा
सीता निरखि परमपद लीन्हा
बाग उजारि सिंधु महँ बोरा
अति आतुर जमकातर तोरा

अक्षय कुमार को मारि संहारा
लूम लपेटि लंक को जारा
लाह समान लंक जरि गयी
जय जय धुनि सुरपुर नभ भयी

अब बिलंब केहि कारन स्वामी
कृपा करहु उर अंतरयामी
जय जय लखन प्रान के दाता
आतुर होय दुख करहु निपाता

जय हनुमान जयति बल सागर
सुर-समूह-समरथ भट-नागर
ओम हनु हनु हनु हनुमंत हठीले
बैरिहि मारु बज्र की कीले

ॐ ह्नीं ह्नीं ह्नीं हनुमंत कपीसा
ॐ हुं हुं हुं हनु अरि उर सीसा
जय अंजनि कुमार बलवंता
शंकरसुवन बीर हनुमंता

बदन कराल काल-कुल घालक
राम सहाय सदा प्रतिपालक
भूत प्रेत पिसाच निसाचर
अग्नि बेताल काल मारी मर


इन्हें मारु तोहि सपथ राम की
राख नाथ मरजाद नाम की
सत्य होहु हरि सपथ पाइ के
राम दूत धरु मारु धाइ के

जय जय जय हनुमंत अगाधा
दुख पावत जन केहि अपराधा
पूजा जप तप नेम अचारा
नहिं जानत कछु दास तुम्हारा

बन उपबन मग गिरि गृह माहीं
तुम्हरे बल हौं डरपत नाहीं
जनकसुता हरि दास कहावो
ताकी सपथ बिलंब न लावो

जै जै जै धुनि होत अकासा
सुमिरत होय दुसह दुख नासा
चरन पकरि कर जोरि मनावौं
यहि औसर अब केहि गोहरावौं

उठु उठु चलु तोहि राम दुहायी
पायँ परौं कर जोरि मनाई
ओम चं चं चं चं चपल चलंता
ओम हनु हनु हनु हनु हनुमंता

ओम हं हं हाँक देत कपि चंचल
ओम सं सं सहमि पराने खल-दल
अपने जन को तुरत उबारौ
सुमिरत होय आनंद हमारौ

यह बजरंग-बाण जेहि मारै
ताहि कहौ फिरि कवन उबारै
पाठ करै बजरंग-बाण की
हनुमत रक्षा करै प्राण की

यह बजरंग बाण जो जापैं
तासों भूत-प्रेत सब कापैं
धूप देय जो जपै हमेशा
ताके तन नहिं रहै कलेशा

दोहा:-

प्रेम प्रतीतिहिं कपि भजै
सदा धरै उर ध्यान
तेहि के कारज सकल शुभ
सिद्ध करै हनुमान॥

श्रेणी : हनुमान भजन

मंगलवार भक्ति:जय हनुमंत संत हितकारी सुन लीजिये प्रभु अरज हमारी-(बजरंग बाण) Hindi Lyrics-हनुमान भजन

बजरंग बाण हनुमान भजन लिरिक्स Bajrang Baan Full Hindi Lyrics, Hanuman Bhajan, by Singer: Rutvij Pandya Ji

Bhajan Tags: Lyrics in Hindi, Lyrics Songs Lyrics,Bhajan Lyrics Hindi,Song Lyrics,bhajan lyrics,ytkrishnabhakti,bhajan hindi me,hindi me bhajan,aarti,khatu shyam bhajan,lyrics hindi me,naye naye bhajan,bhajan dairy,bhajan ganga,bhajano ke bol,nay nay bhajan,bhajan in hindi lyrics,song lyrics,lyrics,ytkrishnabhakti lyrics,khatu shyam bhajan,shyam bhajan lyrics,bhajano ke bol,filmi bhajan,bhajan lyrics,lyrics of,shiv bhajan lyrics,bajrang baan hindi bhajan,bajrang baan bhajan,bajrang baan in hindi bhajan,bajrang baan hindi lyrics,bajrang baan trending bhajan,bajrang baan lyrics.

Note :- वेबसाइट को और बेहतर बनाने हेतु अपने कीमती सुझाव नीचे कॉमेंट बॉक्स में लिखें व इस ज्ञानवर्धक ख़जाने को अपनें मित्रों के साथ अवश्य शेयर करें।