मैं निर्धन तू सेठ साँवरा के फायदा इस यारी का
मैं निर्धन तू सेठ साँवरा,
के फायदा इस यारी का,
बता कद ताला खोलेगा,
बाबा बंद किस्मत म्हारी का,
बता कद ताळा खोलेगा,
बाबा बंद किस्मत म्हारी का।
तेरे ते ना मांगूगा तो,
और बता कित्त जाऊँ मैं,
चेतक का के करना,
ओडी रैड फरारी चाहूँ मैं
मैं पैदल खुद मजा लेवे सै,
लीले की असवारी का
बता कद ताळा खोलेगा,
बाबा बंद किस्मत म्हारी का।
इतना दे दे साँवरिया,
हो घर में सारी मौज मेरे
मैं भी जिद्द का पक्का सूं,
ना मांगण आऊँ रोज तेरे,
सारी दुनिया में सै चर्चा,
तेरी लखदात्तारी का
बता कद ताळा खोलेगा,
बाबा बंद किस्मत म्हारी का।
मांग मांग के थक गया सूं
इब शर्म घणी मनै आवे सै
के मजबूरी मनै देण में,
इतनी देर लगावे सै
भगत तेरा भी बाट देख रहया,
कदका अपनी बारी का,
बता कद ताळा खोलेगा,
बाबा बंद किस्मत म्हारी का।
आज पड़या सै पाला सुनले,
मांनू मैं भी हार नहीं,
या फिर कह दे साँवरिया तनै,
" भीमसैन " ते प्यार नहीं,
मैं तेरा तू मेरा सै,
के लेना दुनियादारी का,
बता कद ताळा खोलेगा,
बाबा बंद किस्मत म्हारी का।
मैं निर्धन तू सेठ साँवरा,
के फायदा इस यारी का,
बता कद ताला खोलेगा,
बाबा बंद किस्मत म्हारी का,
बता कद ताळा खोलेगा,
बाबा बंद किस्मत म्हारी का।
श्रेणी : खाटू श्याम भजन
खाटू श्याम जी का सबसे हिट भजन | Mai Nirdhan Tu Seth Saanwra | Parvinder Palak | Haryanvi Dj Song
मैं निर्धन तू सेठ साँवरा, के फायदा इस यारी का, बता कद ताला खोलेगा, बाबा बंद किस्मत म्हारी का, बता कद ताळा खोलेगा, बाबा बंद किस्मत म्हारी का, तेरे ते ना मांगूगा तो, और बता कित्त जाऊँ मैं, main nirdhan too seth saanvara, ke phaayada is yaaree ka, bata kad taala kholega, baaba band kismat mhaaree ka, bata kad taala kholega, baaba band kismat mhaaree ka, tere te na maangooga to, aur bata kitt jaoon main,
